Viðskipti innlent

Högnuðust um milljarð

Bjarki Sigurðsson skrifar
World Class-hjónin Björn Leifsson og Hafdís Jónsdóttir fyrir utan World Class Laugum í Laugardal.
World Class-hjónin Björn Leifsson og Hafdís Jónsdóttir fyrir utan World Class Laugum í Laugardal. Vísir/Vilhelm

Laugar ehf., sem á og rekur World Class-líkamsræktarstöðvarnar, hagnaðist um rétt tæpan milljarð króna á síðasta ári. Hagnaðarhlutfall félagsins var 14,6 prósent og greiddu eigendurnir sér 250 milljónir króna í arð. 

Þetta kemur fram í ársreikningi félagsins. Laugar ehf. er í meirihlutaeigu hjónanna Björns Leifssonar og Hafdísar Jónsdóttur, sem oftast eru kennd við líkamsræktarstöðvarnar enda búin að reka þær í áratugi. Þau eiga 36,6 prósent hvort um sig. Sigurður Leifsson, bróðir Björns, á 26,8 prósenta hlut á móti þeim. 

Hagnaður ársins nam 995,4 milljónum á árinu og var eigið fé félagsins jákvætt um 2,7 milljarða í lok árs. Í fyrra greiddu eigendurnir sér 250 milljónir í arð og 500 milljónir árið áður. Ekkert kemur fram í ársreikningnum hvort eigendur stefni á að greiða sér arð í ár. 

Launakostnaður félagsins nam tæpum tveimur milljörðum og er meðalfjöldi starfsmanna umreiknaður í heilsársstörf 130.

Uppgjör og ársreikningar Líkamsræktarstöðvar

Tengdar fréttir

Greiðir sér hálfan milljarð í arð

Sögn ehf., félag leikstjórans og kvikmyndaframleiðandans Baltasars Kormáks Baltasarssonar, hagnaðist um 340 milljónir árið 2025. Árið 2024 greiddi hann sér 510 milljónir í arð og í ár gætu arðgreiðslurnar numið 550 milljónum. 

Arnaldur græddi 113 milljónir og Yrsa tuttugu

Gilhagi ehf., félag Arnalds Indriðasonar rithöfundar, hagnaðist um 113 milljónir árið 2025 og á tæplega 1,4 milljarða í hreina eign. Fyrirtæki Yrsu Sigurðardóttur rithöfundar, Yrsa Sigurðardóttir ehf., hagnaðist um rúmar tuttugu milljónir sama ár. 

Ungir fatasalar möluðu gull

Metta sport seldi íþróttafatnað fyrir 733 milljónir króna og hagnaðist um 252 milljónir í fyrra. Félagið er í 80 prósenta eigu Péturs Kiernan og 20 prósenta eigu Samúels Ásberg O'Neill, sem báðir eru á þrítugsaldri. Einn helsti keppinautur Metta, Kenzen, seldi fyrir 245 milljónir og hagnaðist um sextíu milljónir. Árið áður hafði Kenzen aðeins hagnast um 250 þúsund krónur. Þá sækir nýja fatamerkið Takk Takk í sig veðrið.



Mest lesið


Fleiri fréttir

Sjá meira


×

Mest lesið