Japanskir stýrivextir ekki eins háir í þrjá­tíu ár

Samkvæmt frétt BBC stendur Japan frammi fyrir ýmsum efnahagslegum áskorunum, þar á meðal viðvarandi veiku jeni, hækkandi verðlagi og fækkun vinnandi fólks.

Helstu seðlabankar heims hafa farið sömu leið að undanförnu, ekki síst í ljósi þess að stríðsátök Bandaríkjamanna við Íran og hækkun olíuverðs hefur ýtt undir verðbólgu. Á miðvikudag hækkaði til að mynda bandaríski Seðlabankinn viðmiðunarvexti sína í fyrsta sinn í meira en þrjú ár og Seðlabanki Evrópu hækkaði einnig vexti fyrr í þessum mánuði.

Í frétt Wall Street Journal segir að Japanir eigi gífurlega mikið af erlendum hlutabréfum og verðbréfum. Í heildina séu þetta um fimm billjónir dala (tólf núll) en um helmingur þessara bréfa eru skráð í Bandaríkjunum.

Forsvarsmenn Seðlabankans í Japan vonast til þess að með því að hækka vexti, verði hægt að fá meira af þessum peningum aftur heim og auka fjárfestingar þar, í stað þess að peningarnir fari í að halda uppi hlutabréfaverði í Bandaríkjunum og annarsstaðar í heiminum.