Stjörnulífið: Undir hárlengingum og bótoxi leynist ís­lenskur karl­maður

Ef Instagram færslurnar birtast ekki er ráð að endurhlaða (e. refresh) síðunni.

Mætt í brúðkaup aldarinnar

Hjúkrunarfræðingurinn og skvísan Þrúður Guðmundsdóttir lét sig ekki vanta í það sem hún kallar brúðkaup aldarinnar en vinkona hennar Anna Fríða Gísladóttir framkvæmdastjóri markaðssviðs hjá Nóa Siríus giftist ástinni sinni Sverri Fali Björnssyni við glæsilega athöfn og veislu á Ítalíu. 

Íslenskur karlmaður sem vill veiða lax

Raunveruleikastjarnan Patrekur Jaime er vanur því að deila ofurskvísumyndum af sér á Instagram en skellti sér í veiði í síðustu viku og virtist njóta þess vel að rokka vöðlurnar. Hann segir að undir suður-ameríska blóðinu, bótoxinu og hárlengingunum leynist íslenskur karlmaður sem vill bara veiða lax. 

Besta leiðin til að jafna sig á þynnku

Dorrit Moussaieff fyrrum forsetafrú, athafnakona og lífskúnstner hékk á hvolfi á Instagram og sagði að þetta væri besta leiðin til að jafna sig á þynnku. 

Allra besti afmælis-nablinn

Guðrún Svava Egilsdóttir áhrifavaldur og sjónvarpsstjarna óskaði besta vini sínum Andra Má Eggertssyni, betur þekktur sem Nablinn, til hamingju með afmælið. Þau hafa verið öflugt tvíeyki á ýmsum viðburðum og skemmtunum. 

Nablinn varð 28 ára 1. september. Hann hefur meðal annars vakið mikla athygli í íþróttafréttum og íslensku samkvæmislífi en hann ræddi við Vísi á einlægum nótum í vor.

Fyrirsæta í New York

Fyrirsætan Ava Hilmarsdóttir gerir það gott í fyrirsætubransanum í New York og birti myndasyrpu af sér á götum borgarinnar.

Fegurðardrottning á fjöllum

Sigríður Ósk Hrafnkellsdóttir Ungfrú Ísland 2026 er mætt til Bandaríkjanna og var agndofa yfir fegurð Smokey Mountains í Tennesee. 

Heima er best

Listræni stjórnandinn Júnía Lín elskar að njóta lífsins heima á Íslandi en hún hefur fylgt tvíburasystur sinni Laufeyju um allan heim á tónleikaferðalagi og sér þar um listræna stjórnun á tónleikunum. Júnía rokkaði mjög skemmtilegt loðvesti sem hún fékk hjá íslenska hönnunarhúsinu Sunneva Design.

Og Laufey Lín kom líka til Íslands og átti hér góðar stundir. Hún gisti meðal annars á lúxushótelinu Deplum farm með fjölskyldu sinni og birti skemmtilegar myndir frá dvölinni þar.

Sjóðheitur í LA

New York gæinn Björn Boði Björnsson skellti sér á dögunum til Los Angeles með systur sinni Birgittu Líf.

Gat í naflann

Vinkonurnar Kristín Pétursdóttir og Birgitta Líf Björnsdóttir fengu sér gat í naflann hjá Emma Body Art á Laugavegi. LXS skvísurnar skelltu sér allar þangað til að fá einhver göt og sumar enduðu með fleiri en aðrar. 

Og Birgitta Líf átti viðburðaríka viku en hún skellti sér í Reykjaböðin í Hveragerði sem voru að opna núna í byrjun september.

Mikið fjör hjá Brynhildi

Áhrifavaldurinn og hlaðvarpsstýran Brynhildur Gunnlaugsdóttir elskar að hafa gaman.

Afmæli í París

Ásgerður Diljá markaðsstýra Aurum skartgripaverslunar fór til Parísar yfir afmæli sitt með sínum heittelskaða Sólon Welding.

Afmælisdrottning í hvítu á Spáni

Fatahönnuðurinn Andrea Magnúsdóttir fagnaði afmæli sínu í sólinni á Spáni og afmæliskjóllinn var hinn glæsilegasti.

Alaska og Takk takk

Tónlistarstjarnan Alaska gerði bikiní með strákunum í Takk takk.

Skvísuferð

Viðskiptafræðingurinn Embla Hallfríðardóttir er í skvísuvinkonuhóp sem kallar sig Gúrkurnar og þær eru duglegar að ferðast og gera skemmtilega hluti. Nú eru þær staddar á Spáni og kunna sannarlega að njóta.

Eina maraþonið sem Móa tekur þátt í

Tískuunnandinn og áhrifavaldurinn Móeiður Lárusdóttir skellti sér í rauðvínsmaraþon í Bordeaux í Frakklandi og segir það eina maraþonið sem hún tekur þátt í.

Fagnaði ástinni

Hlaðvarpsstýran, áhrifavaldurinn og raunveruleikastjarnan Sunneva Einarsdóttir fagnaði brúðkaupi mágkonu sinnar Margrétar Bjarnadóttur og Ísaks Ernis á Ion hótelinu.