For­est fyrsta úr­vals­deildar­liðið úr leik í deildar­bikarnum

Það var þó alltaf ljóst að í það minnsta eitt úrvalsdeildarlið félli úr leik í kvöld þar sem Forest fékk Leeds í heimsókn og fóru gestirnir með 0-2 sigur af hólmi.

Hákon Rafn Valdimarsson var í byrjunarliði Brentford sem sótti Birmingham heim. Hann hafði lítið að gera í markinu í kvöld en Brentford vann algjöran 1-6 yfirburða sigur. 

Hin úrvalsdeildarliðin áttu öll frekar náðugt kvöld. Ipswich lagði Leicester 3-1. Coventry vann góðan 2-4 útisigur á Plymouth og West Ham vann öruggan 1-4 útisigur á Southampton.

Umferðin heldur áfram á morgun þar sem fleiri úrvalsdeildarlið eiga leiki. Newcastle tekur á móti West Brom, Tottenham á móti Charlton og Everton sækir Preston heim.