Efast um Iraola: „Hvar eru stóru strákarnir“

Í Sunnudagsmessunni á Sýn Sport í gær var meðal annars rætt um Liverpool-liðið sem hóf sitt fyrsta tímabil undir stjórn Iraola á því að ná naumlega í 2-2 jafntefli við Newcastle á útivelli.

„Ég því miður óttast pínulítið bras,“ sagði Bjarni um Liverpool og hélt svo áfram: „Eitt af því sem ég held að þú þurfir sem stjóri, sérstaklega í Englandi þar sem eru búningsherbergi full af stórum og miklum karakterum, þá held ég að þú þurfir stóra og sterka karaktera á móti þeim,“ sagði Bjarni.

Hann nefndi þannig Jürgen Klopp, Pep Guardiola og José Mourinho í þessu sambandi.

„Hverjir eru stórir í deildinni núna? Hvar eru stóru strákarnir?“ spurði Bjarni og var fátt um svör.

„Hvorugur þessara stjóra sem við horfðum á í dag finnst mér hafa einhverja sérstaka áru yfir sér,“ bætti Bjarni við og átti þá við Iraola og Þjóðverjann Matthias Jaissle sem tók við Newcastle í sumar.

Kjartan Henry Finnbogason spurði svo Bjarna hvað hann ætti við með að Liverpool yrði í „brasi“. Hvort það þýddi baráttu um Evrópusæti eða hvað?

„Góðu fréttirnar fyrir Liverpool eru að City mun elta Arsenal en svo er hætt við að þetta verði einhver grautur þar á eftir,“ sagði Bjarni.