Liðsfélagi Hákonar á leiðinni til City

The Athletic greinir frá þessu en morgunljóst er að City leitar að miðjumanni eftir brotthvarf Rodri til Barcelona. Bouaddi var hvergi sjáanlegur í 0-2 sigri Lille gegn Angers fyrr í dag, Hákon Arnar byrjaði leikinn á miðsvæðinu með Ngal‘Ayel Mukau og Nabil Bentaleb.

Bouaddi er aðeins átján ára gamall en hann sló í gegn með Marokkó á HM í sumar, þar sem hann byrjaði fimm af sex leikjum liðsins sem komst í átta liða úrslit. Hann er yngsti leikmaður í sögu Lille til að spila í Evrópukeppni, þá aðeins sextán ára gamall.

City er nýbúið að selja Rodri til Barcelona. Tijjani Reijnders og Bernardo Silva eru einnig farnir frá félaginu og búist er við því að Nico Gonzalez sé á leiðinni til Newcastle.

City fékk Elliott Anderson til félagsins fyrr í sumar á 116 milljónir punda en telur þörf á frekari styrkingu á miðsvæðið.