Tvö­faldur heims­meistari látinn eftir skot­á­rás

BBC segir árásarmennina hafa setið um Tete fyrir utan heimili hans. Þeir hafi látið til skarar skríða þegar Tete sat kyrr í bíl sínum og beið eftir því að öryggishlið opnaðist.

Tveir menn eru sagðist hafa ráðist að honum með lambhúshettur á höfði og skotið Tete til bana. 27 ára gömul kona var einnig í bílnum og liggur þungt haldin á spítala. Mennirnir flúðu vettvang en lögregla leitar þeirra og hefur hrundið af stað rannsókn á málinu.

„Suður-Afríka hefur misst einn sinn besta bardagamann frá upphafi,“ segir íþróttamálaráðherra Suður-Afríku, Gayton McKenzie.

Tete varð tvisvar WBO heimsmeistari á hnefaleikaferlinum, fyrst í fluguvigt árið 2014, síðan í veltivigt frá 2017 en Tete átti eftir að ríkja sem heimsmeistari til 2019.

Hann á líka heimsmetið fyrir hraðasta rothögg sögunnar, þegar hann rotaði Siboniso Gonya á ellefu sekúndum árið 2017.

Tete barðist síðast árið 2022 en hafði setið í keppnisbanni frá 2024 eftir að hafa fallið á lyfjaprófi. Á ferlinum vann Tete 29 bardaga af 34, hann tapaði fjórum sinnum og einn bardagi féll niður.