Kallar eftir af­sögn Infantino og skaut á Blatter

Ákall norska knatt­spyrnu­sam­bandsins um að Infantino segi af sér koma eftir að hann þurfti að draga í land áætlun sína um að fá inn utan­aðkomandi fjár­festingar í FIFA. Á sama tíma hafa knatt­spyrnu­sam­bönd Argentínu og Mexíkó lýst yfir stuðningi sínum við for­setann.

Með því að kalla opin­ber­lega eftir af­sögn Infantino stígur norska knatt­spyrnu­sam­bandið skrefinu lengra en knatt­spyrnu­sam­bönd Wa­les, Króatíu og Eng­lands svo dæmi séu nefnd en þau knatt­spyrnu­sam­bönd hafa einungis degið til baka stuðning sinn við Infantino.

„Infantino nýtur ekki stofnana­legs trausts sem til þarf til þess að stýra FIFA örugg­lega á þeim tímum sem við nú lifum,“ lætur Lise Kla­veness. „Infantino á enga endur­komu­leið. Fót­boltinn á alþjóða­vísu á við mikinn vanda að etja og nú þurfum við að finna sam­nefnara til þess að koma saman. Við biðjum for­seta FIFA um að segja af sér núna.“

Blatter er aðdáandi

Lise er lög­fræðingur að mennt og sjálf með lands­liðs­feril að baki sem leik­maður. Hún hefur þótt mjög skel­egg í starfi og heillaði meðal annars fyrr­verandi for­seta FIFA, Sepp Blatter, sem þurfti sjálfur að segja af sér árið 2015 eftir röð hneykslis­mála.

Blatter stakk upp á því í færslu á sam­félags­miðlinum X á dögunum að Lise yrði næsti for­seti FIFA. Hún gefur lítið fyrir til­lögu Blatter, hefur slæma reynslu af honum frá fyrri tíð.

„Ég er ekki á X en sá þetta. Sepp Blatter var for­seti FIFA þegar að ég var leik­maður. Ég man að hann vildi að leik­menn í kvenna­boltanum spiluðu í styttri stutt­buxum. Ég lét í mér heyra þá en hef ekkert um þetta að segja.“