Hljóp á hraðasta tíma ársins

Bandaríska meistaramótið í frjálsum íþróttum stendur yfir og jafnaði Noah Lyles sinn persónulega besta árangur með því að hlaupa 100 metrana á 9,79 sekúndum. Það er sami tími og hann hljóp í París árið 2024 þegar hann vann gullverðlaun á Ólympíuleikunum.

Hann var því öruggur bandarískur meistari en Ronnie Baker og Kenny Bednarek hlupu báðir á tímanum 9,88 sekúndum í öðru og þriðja sæti.

Þrátt fyrir að það séu hvorki Ólympíuleikar í ár né heimsmeistaramót í frjálsum íþróttum þá er Lyles enn staðráðinn í að vera hraðastur.

Besti tími ársins fyrir þetta hlaup var í eigu Oblique Seville frá Jamaíku en hann hljóp á 9,82 sekúndum.

Noah Lyles er nýorðinn 29 ára og á farsælan feril að baki í spretthlaupum. Hann á ein gullverðlaun á Ólympíuleikunum en á átta gullverðlaun á heimsmeistaramótinu í frjálsum íþróttum. Hans bestu greinar eru 100 metra spretthlaup og 200 metra spretthlaup en hann hefur einnig tekið þátt í 100 metra boðhlaupi.