Systurnar Kara og Katla á­fram á skotskónum hjá KR

Systurnar Kara og Katla Guðmundsdætur skoruðu báðar í 3-0 sigri KR á Völsungi en Þórey Björk Eyþórsdóttir skoraði mark sitt á milli marka þeirra. Öll þrjú mörkin komu á síðustu átta mínútum leiksins.

Þetta er fjórði heimasigur KR í sumar þar sem systurnar Kara og Katla eru báðar á skotskónum.

KR tapaði á móti Selfossi í leiknum á undan en hefur unnið fimm af sex leikjum sínum á Meistaravöllum í sumar.

Grótta sótti þrjú stig í Kópavoginn með 3-1 sigri á HK. Lovísa Davíðsdóttir Scheving kom Gróttu yfir á móti HK í Kórnum en HK jafnaði með sjálfsmarki. María Lovísa Jónasdóttir og Nicole Douglas tryggðu Gróttu svo sigurinn með mörkum í seinni hálfleik.

Þetta var þriðji útisigur Gróttu í röð og fjórði deildarsigurinn í röð. Liðið hefur unnið níu af ellefu deildarleikjum sumarsins.

Nágrannaliðin eru því áfram í tveimur efstu sætunum. Grótta er á toppnum með fimm stigum meira en KR. Vesturbæjarstúlkur eiga þó leik inni á Seltirninga.