Sport

FH heldur bikar­veislunni á­fram og vann þre­falt

Sindri Sverrisson skrifar
FH-ingar fögnuðu vel í Breiðholti í dag.
FH-ingar fögnuðu vel í Breiðholti í dag. FRÍ

Eftir spennandi keppni í Breiðholti um helgina fögnuðu FH-ingar þreföldum sigri í bikarkeppni Frjálsíþróttasambands Íslands.

FH hefur varið bikarmeistaratitil sinn frá árinu 2019 en það voru ÍR-ingar sem síðast unnu titilinn á undan FH, árið 2018.

FH var með 6,5 stiga forystu í heildarstigakeppninni eftir fyrri keppnisdaginn í gær. FH-konur höfðu þá sjö stiga forskot á Fjölni og ÍR í stigakeppni kvenna en ÍR var efst í stigakeppni karla, hálfu stigi á undan FH.

FH-karlar svöruðu fyrir sig í dag og því vann FH sigur hjá báðum kynjum og auðvitað einnig samanlagt.

Heildarkeppni:

  1. FH 183
  2. ÍR 170,5
  3. Fjölnir 129
  4. Ármann 101,5
  5. Breiðablik 86
  6. ÍR B 33

Keppni kvenna:

  1. FH 95
  2. ÍR 88
  3. Fjölnir 68
  4. Ármann 45
  5. Breiðablik 36
  6. ÍR B 20

Keppni karla:

  1. FH 88
  2. ÍR 82,5
  3. Fjölnir 61
  4. Ármann 56,5
  5. Breiðablik 50
  6. ÍR B 13

FH-ingar unnu alls 16 greinar af 36 á mótinu, þar af til að mynda bæði 1.000 metra boðhlaupin sem mótinu lauk á.

Keppni í sleggjukasti kvenna í dag var sérstaklega sterk en þar mættust Guðrún Karítas Hallgrímsdóttir og Elísabet Rut Rúnarsdóttir, sem skipst hafa á að bæta Íslandsmetið í greininni. Svo fór að Guðrún vann en hún kastaði lengst 71,06 metra á meðan að Elísabet varð í 2. sæti með 67,23 metra kasti. Hera Christensen hlaut brons í greininni en hún fékk einnig silfur í kúluvarpi og vann afar öruggan sigur í kringlukasti.

Öll úrslit mótsins má finna með því að smella hér.

Frjálsar íþróttir FH

Mest lesið


Fleiri fréttir

Sjá meira


×

Mest lesið