Hefur komið Eiði Smára skemmti­lega á ó­vart við HM

Eiður Smári var til viðtals í Bítinu á Bylgjunni í morgun þar sem að hann talaði um HM í fót­bolta og hræðslu þeirra sem fjalla um mótið í að­draganda þess.

„Við sem erum að undir­búa okkur fyrir þetta mót. Það var smá hræðsla í okkur. Það eru margar þjóðir að keppa sem við þekkjum lítið til. Búið að stækka mótið, fleiri leikið. Það var smá hræðsla um að of mikið yrði um skrítin úr­slit. Of mikið bil milli stærstu og minnstu þjóðanna. Það hefur komið skemmti­lega á óvart að við erum að sjá úr­slit sem við bjuggumst aldrei við, sem gerir mótið skemmti­legra. Það besta við þessi stór­mót líka yfir höfuð er að því lengra sem líður á þau því skemmti­legri verða þau.“

Er þetta þá komið til að vera? Svona stór stór­mót?

„Af hverju ekki? Það sem breikkar og stækkar hópinn á þjóðum sem geta tekið þátt og fylgst með. Ég er nokkuð viss um að ef Ís­land væri á HM núna þá væru enn fleiri að fylgjast með hér á landi. Sama má segja með aðrar þjóðir sem eru nú að taka þátt. Margar hverjar í fyrsta sinn. Það sé búið að sam­eina fót­bolta­heiminn enn meira.“

Viðtalið við Eið Smára í Bítínu á Bylgjunni í morgun má hlusta á í heild sinni í spilaranum hér fyrir ofan.