„Bráðaaðgerð var ekki á bingóspjaldinu mínu fyrir 2026“

Þessu segir hin 26 ára gamla Caudery sjálf frá á Instagram.

Breska stjarnan skrifar að bakverkir hafi skyndilega versnað, sem gerði aðgerð nauðsynlega til að koma í veg fyrir frekari meiðsli.

„Bráðaaðgerð á baki var ekki á bingóspjaldinu mínu fyrir 2026,“ skrifaði Molly Caudery.

„Og þar með er keppnistímabilinu mínu lokið. Það er alveg hræðilegt að þurfa að skrifa þetta, að missa af enn einu ári af stórmótum og heimaleikjum,“ skrifaði Caudery.

„Til að útskýra þá fékk ég slæmt bakslag í síðustu viku sem versnaði hratt og það þurfti að grípa strax til skurðaðgerðar til að koma í veg fyrir frekari skaða,“ skrifaði Caudery.

Caudery er tvöfaldur heimsmeistari innanhúss frá 2024 og 2026. Hún vann einnig brons á Evrópumótinu 2024.

Caudery hefur stokkið hæst allra Evrópubúa á árinu, 4,85 metra, og var því einn sigurstranglegasti keppandinn um gullið á EM í Birmingham í ágúst.

Þetta er í annað sinn í röð sem stangastökkvarinn missir af stórmóti. Árið 2025 komst hún aldrei af stað í keppni sinni á HM eftir að hafa meiðst á ökkla í upphitun.

„Aðgerðin heppnaðist vel og batinn hefst í dag. Ég hélt í alvöru að 2026 yrði árið mitt eftir vonbrigðin í París og Tókýó og allt þar á milli, en ég vildi bara bæta öðrum kafla við sjálfsævisöguna áður en endurkoman hefst,“ skrifaði Caudery.