Fékk nýjan samning en Ferrari gefur ekki upp árafjöldann

Ferrari tilkynnti um samninginn á miðvikudag. Í yfirlýsingunni segir að Leclerc muni halda áfram að keppa undir merkjum liðsins „næstu keppnistímabil“.

Ekkert er minnst á nákvæma lengd samningsins.

Leclerc hefur verið hluti af Ferrari-kerfinu í mörg ár. Undanfarin keppnistímabil hefur hann orðið einn af þekktustu ökumönnum Formúlu 1.

„Ég gæti ekki verið ánægðari með að halda þessu ferðalagi áfram með Ferrari. Þetta lið hefur alltaf verið svo miklu meira en bara lið fyrir mig. Þetta er liðið sem ég hef elskað og dreymt um að vera hluti af síðan ég var barn, og eftir öll þessi ár er það orðið mín önnur fjölskylda,“ sagði Mónakómaðurinn.

Charles Leclerc er í þriðja sæti í keppni ökumanna eftir fimm keppnir. Hann hefur tvisvar komist á verðlaunapall, þar sem hann endaði þriðji í bæði skiptin, og hefur auk þess tvisvar endað í fjórða sæti.

Hann er 75 stig, þrettán stigum á eftir George Russell í öðru sæti en 56 stigum á eftir Kim Antonelli sem er í forystu.

Hinn 28 ára gamli Leclerc hefur unnið 8 keppnir á ferlinum og 52 sinnum komist á verðlaunapall. Hann varð í öðru sæti í keppni ökumanna 2002 og í þriðja sæti 2024.