Átti næst­besta kast sögunnar degi eftir á­tján ára af­mælið

Ziyi kastaði spjótinu 71.74 metra á Demantamóti um síðustu helgi. Hún var aðeins 0.54 metrum frá heimsmetinu, 72.28 metrum, sem Barbora Spotakova setti í september 2008.

Yan Ziyi var aðeins þriggja mánaða gömul þegar það heimsmet var sett en nú, átján árum síðar, er hún á góðri leið með að slá það.

Ziyi er aðeins sjötta konan sem nær að kasta yfir 70 metra og hún er bara nýorðin átján ára.

Með kastinu um helgina bætti hún fyrra Asíumet sitt, upp á 65.89 metra, um rúma fjóra metra. 

Spennandi verður að sjá hvað Ziyi gerir á næsta heimsmeistaramóti og Ólympíuleikum en hún öðlaðist keppnisrétt þar þegar hún varð átján ára, degi áður en hún kastaði spjótinu um helgina. 

Ziyi hefur lengi þótt efnilegur spjótkastari. Hæfileikar hennar í íþróttinni uppgötvuðust þegar íþróttakennari hennar í þriðja bekk bað hana um að kasta bolta. Ziyi gat kastað boltanum rúma þrjátíu metra en bekkjarfélagar hennar náðu mest um tíu metrum.