Enski boltinn

Liði 92 strákanna mis­tókst að komast upp

Valur Páll Eiríksson skrifar
Beckham og Scholes hafa skemmt sér betur en þeir gerðu á Wembley í dag.
Beckham og Scholes hafa skemmt sér betur en þeir gerðu á Wembley í dag. Steven Paston/PA Images via Getty Images

Salford City, sem er í eigu David Beckham og Gary Neville meðal annarra, mun leika í ensku D-deildinni á næstu leiktíð. Notts County fer upp í C-deildina.

Alassana Jatta, Lucas Ness og Jodi Jones skoruðu mörk Notts í öruggum 3-0 sigri í úrslitaleik dagsins á Wembley í Lundúnum þar sem lið Salford sá aldrei til sólar.

Jodi Jones fagnar þriðja marki Notts í leiknum.Pedro Porru/MB Media/Getty Images

Hinn frægi 92 árgangur Manchester United keypti meirihluta í Salford, sem í útjaðri Manchester, fyrir rúmum áratug. Aðeins Gary Neville og David Beckham eiga hluta í félaginu í dag en þeir Nicky Butt, Ryan Giggs, Phil Neville og Paul Scholes hafa allir starfað fyrir félagið þó þeir hafi selt sig út úr eigandahópnum.

Notts County fer í C-deildina en félagið er elsta atvinnumannafélag heims, stofnað árið 1862. Liðið verður í C-deildinni í fyrsta sinn frá tímabilinu 2014-15.

Enski boltinn

Mest lesið


Fleiri fréttir

Sjá meira


×

Mest lesið