Alonso tekur við Chelsea

Alonso var þjálfari Real Madrid þegar þetta tímabil hófst en hann var látinn fara í janúar. Hann gerði garðinn frægan áður sem þjálfari Bayer Leverkusen í Þýskalandi.

Chelsea byrjaði tímabilið með Enzo Maresca við stjórnvölinn, síðan tók Liam Rosenior við en hann var nýlega rekinn og Calum McFarlane stýrir liðinu til bráðabirgða.

McFarlane var við stjórnvölinn þegar Chelsea tapaði FA bikarúrslitaleiknum gegn Manchester City í gær og staðfesti þar með titlalaust tímabil. Liðið situr í 9. sæti ensku deildarinnar þegar tvær umferðir eru eftir og er í hættu á að missa af sæti í Evrópukeppni.

Alonso hafði verið orðaður við þjálfarastarfið hjá Liverpool, eftir að hafa spilað þar sem leikmaður í fimm ár og unnið Meistaradeildina árið 2005.