Gidsel getur möl­brotið marka­met Han­sen

Gidsel skoraði ellefu mörk í leik Fuchse Berlin og Veszprém í fyrrakvöld, auk þess að skora úr síðasta vítinu í vítakastkeppninni, sem tryggði Berlínarmenn áfram í undanúrslit.

Gidsel er kominn með 143 mörk í Meistaradeildinni á þessu tímabili en fyrra markametið var í eigu Mikkel Hansen, sem skoraði 141 mark í Meistaradeildinni sem leikmaður PSG tímabilið 2015-16.

Fuchse Berlin á eftir að spila tvo leiki til viðbótar á úrslitahelgi Meistaradeildarinnar og þar gæti Gidsel bætt metið enn frekar. Berlin mun mæta annað hvort Aalborg, Barcelona eða Magdeburg í undanúrslitum og spila svo um annað hvort gull- eða bronsverðlaun.

Francisco Costa (136 mörk fyrir Sporting), Elohim Prandi (120 mörk fyrir PSG) og Bjerre Frederik Friche (115 mörk fyrir GOG) eru allir dottnir úr leik og eiga ekki möguleika á að ná Gidsel.

Ómar Ingi Magnússon er eini Íslendingurinn á topp tíu listanum yfir markahæstu menn en hann hefur skorað 86 mörk fyrir Magdeburg í Meistaradeildinni, tæplega helmingi minna en Gidsel.