Einn ríkasti maður Noregs látinn

Norskir fjölmiðlar segja Hagen hafa farið í hjartastopp og andast á heimili sínu fyrr í dag.

Í frétt Verdens Gang segir að auðævi Hagen séu metin á rúmlega 33 milljarða norskra króna, um 430 milljarða íslenskra króna. Hann hafði verið stjórnarformaður Orkla frá árinu 2006 og átti fjórðungshlut í félaginu.

Hagen lætur eftir sig fjögur uppkomin börn, tíu barnabörn og eiginmanninn Bendik Skinningsrud.

Hagen fæddist í Osló árið 1956 en þremur árum síðar stofnaði faðir hans fyrstu smávöruverslun sína. Stein Erik Hagen hóf svo störf í fyrirtæki föður síns og stofnaði síðar lágvöruverðsverslunina Rimi sem átti eftir að verða ein vinsælasta matvörukeðja landsins. Coop Norge átti síðar eftir að kaupa verslanirnar.