Sport

Þrjár systur unnu þre­falt með HK

Sindri Sverrisson skrifar
HK-konur unnu allt sem hægt er að vinna í vetur og eru hér með bikarana sína í gærkvöld.
HK-konur unnu allt sem hægt er að vinna í vetur og eru hér með bikarana sína í gærkvöld. Blaksamband Íslands

HK-konur urðu í gærkvöld Íslandsmeistarar í blaki og unnu því alla þrjá stóru titlana á leiktíðinni.

Líkt og fyrr á tímabilinu voru það KA-konur sem urðu að sætta sig við 2. sæti en þær fengu einnig silfur í bikarkeppninni og deildarkeppninni.

Svo merkilega vill til að í liði HK eru þrjár systur með mikið blakblóð í æðum en það eru þær Elísabet, Matthildur og Helena Einarsdætur, dætur þeirra Einars Sigurðssonar og Þóreyjar Haraldsdóttur sem bæði léku fyrir Íslands hönd og með HK.

HK vann úrslitaeinvígið við KA 3-0 en leikirnir voru engu að síður spennandi og ekki síst þriðji leikurinn í Digranesi í gærkvöld. Þar vann KA fyrstu tvær hrinurnar en HK svaraði með því að vinna næstu þrjár og tryggja sér Íslandsmeistaratitilinn.

HK Blak

Mest lesið


Fleiri fréttir

Sjá meira


×

Mest lesið