Erlent

Gáma­skip Sam­skipa bilaði við Fær­eyjar

Eiður Þór Árnason skrifar
Myndin er úr safni og tengist ekki efni fréttarinnar með beinum hætti.
Myndin er úr safni og tengist ekki efni fréttarinnar með beinum hætti. Vísir/Vilhelm

Vélabilun kom upp í gámaskipi Samskipa suðvestur af Suðurey í Færeyjum á föstudagskvöld. Færeyska varðskipið Brimil dró skipið Hoffell til Runavíkur þar sem það liggur nú við höfn.

Brimil kom að skipinu um klukkan 17 á föstudag og var Hoffell komið til Runavíkur um hádegisbil í gær. Fiskveiðiskipið Finnur Fríði, hafnarfyrirtækið Faroe Agency, skipasmíðastöðin Mest, sjóbjörgunarsamhæfingarstöðin Mrcc Tórshavn og Vørn, stofnun sem sinnir björgunarstörfum í færeyskri lögsögu, tóku þátt í aðgerðinni.

Hjálparskipin Samson og Anna aðstoðuðu svo við að koma Hoffelli að höfn. Vørn greinir frá aðgerðinni en færeyski miðillinn jn.fo fjallaði um vélabilunina.

Mest lesið


Fleiri fréttir

Sjá meira


×

Mest lesið