Sport

Katrín Jakobs komin í FRÍ

Sindri Sverrisson skrifar
Katrín Jakobsdóttir ætti að geta hjálpað til við ýmis pólitísk mál sem FRÍ glímir við, líkt og skort á þjóðarleikvangi fyrir frjálsar íþróttir.
Katrín Jakobsdóttir ætti að geta hjálpað til við ýmis pólitísk mál sem FRÍ glímir við, líkt og skort á þjóðarleikvangi fyrir frjálsar íþróttir. Vísir/Vilhelm

Ný stjórn Frjálsíþróttasambands Íslands var kjörin í gær og í henni er meðal annars fyrrverandi forsætisráðherra landsins, Katrín Jakobsdóttir.

Stjórnin var kjörin til tveggja ára, á 65. frjálsíþróttaþingi FRÍ í Skógarseli í Breiðholti í gær.

Sveinn Margeirsson var kjörinn formaður en hann tekur við keflinu af Frey Ólafssyni sem verið hafði formaður í áratug.

Katrín er svo ein fjögurra sem sitja í aðalstjórn ásamt Sveini, eftir að hafa setið á Alþingi árin 2007-2024 og verið forsætisráðherra árin 2017-2024, áður en hún bauð sig svo fram til forseta Íslands.

Nýja stjórn FRÍ skipa þau Katrín Jakobsdóttir, Sveinn Margeirsson formaður, Trausti Stefánsson, Sonja Sif Jóhannsdóttir og Rannveig Oddsdóttir.FRÍ

Auk þeirra eru í stjórninni þau Trausti Stefánsson, Rannveig Oddsdóttir og Sonja Sif Jóhannsdóttir. 

Sonja var varaformaður í síðustu stjórn, Sveinn meðstjórnandi og Rannveig í varastjórn, en þau Trausti og Katrín koma ný inn.

Frjálsar íþróttir

Mest lesið


Fleiri fréttir

Sjá meira


×

Mest lesið