Nike semur við Bald­vin: „Get nú kallað á­huga­málið mitt vinnuna mína“

Bald­vin er einn fremsti hlaupari okkar Ís­lendinga og hefur verið að ná frábærum árangri. Í upp­hafi árs braut hann blað í sögu tíu kíló­metra götu­hlaups með því að vera fyrsti Ís­lendingurinn til þess að hlaupa kíló­metrana tíu á undir tuttugu og átta mínútum.

Árangurinn tryggði Bald­vini sæti á Evrópu­meistaramótinu í frjálsum íþróttum sem fer fram í Birming­ham í sumar og þá hefur gott gengi hans vakið at­hygli íþrótta­vöru­fram­leiðandans Nike.

Samningurinn við Nike mun gera mikið fyrir Bald­vin sem segir frá því í færslu á sam­félags­miðlinum Insta­gram að spennandi ár sé fram­undan.

„Nokkur spennandi ár fram­undan þar sem ég held áfram að elta allt það sem ég veit að ég er fær um að elta og á sama tíma og ég get kallað áhugamálið mitt vinnuna mína með stuðningi frá Nike,“ skrifar Bald­vin á Insta­gram.

Í sam­tal við Garp Inga­son Elísa­betar­son í Ís­land í dag í febrúar sagði Bald­vin, sem er bú­settur í Bret­landi, frá því að hann með nokkra styrktaraðila á bak við sig sem héldu honum gangandi en að staðan mætti vera betri,

„Ég er mjög heppinn að ég bý með pabba og fæ að­gang þar úti að topp­hlaupurum í kringum mig og toppþjálfara. Maður er náttúru­lega að elta drauminn sinn og að elta það að þetta verði betra fjár­hags­lega. Hvernig ég er að gera þetta núna er ekki hægt til lengri tíma.“

Nú verður spennandi að sjá hvernig þróun Bald­vins sem hlaupara verður nú þegar að hann þarf ekki að hafa fjár­hagsáhyggjur og er með jafn stóran styrktaraðila á bak við sig og Nike.