Sonur Schwarzenegger vann fyrstu keppnina sína

Hann keppti í vaxtarrækt og klassískri líkamsrækt og fagnaði sigri í þungavigtarflokki, sem og í klassískri líkamsrækt í flokki nýliða og byrjenda.

Þetta gerist stuttu eftir að Joe deildi myndum af föður sínum að hjálpa sér við æfingar og það skilaði greinilega góðum árangri.

Áður en Arnold Schwarzenegger varð ein stærsta kvikmyndastjarna heimsins var hann mjög sigursæll vaxtarræktarmaður.

Schwarzenegger byrjaði að lyfta lóðum fimmtán ára gamall og vann Mr. Universe-titilinn í vaxtarrækt tvítugur að aldri. Hann vann Mr. Olympia-titilinn sjö sinnum, var kallaður „austurríska eikin“ á vaxtarræktarárum sínum og er talinn einn besti vaxtarræktarmaður allra tíma.

Schwarzenegger eignaðist Joseph eftir framhjáhald með starfskonu á heimili hans, Mildred Patricia „Patty“ Baena, en hún vann á heimili hans og Mariu Shriver, í tuttugu ár.