Handbolti

Guð­jón Valur og strákarnir hans unnu áttunda leikinn í röð

Óskar Ófeigur Jónsson skrifar
Guðjón Valur Sigurðsson er á uppleið með Gummersbach í stigatöflu þýsku deildarinnar.
Guðjón Valur Sigurðsson er á uppleið með Gummersbach í stigatöflu þýsku deildarinnar. Vísir/Anton Brink

Gummersbach hoppaði upp í fimmta sæti þýsku Bundesligunnar í handbolta í kvöld eftir sex marka heimasigur á Hannover-Burgdorf.

Guðjón Valur Sigurðsson þjálfar lið Gummersbach og með þessum sigri fór liðið upp fyrir Kiel í töflunni. Liðið hefur nú unnið átta deildarleiki í röð.

Gummersbach vann leikinn 33-27 eftir að hafa verið sex mörkum yfir í hálfleik, 17-11.

Íslenski landsliðslínumaðurinn Elliði Snær Viðarsson skoraði fjögur mörk fyrir Gummersbach úr fimm skotum en landsliðshornamaðurinn og skyttan Teitur Örn Einarsson var með tvö mörk.

Markahæstur hjá Gummersbach var Miro Schluroff með níu mörk.

Þýski handboltinn

Mest lesið


Fleiri fréttir

Sjá meira


×

Mest lesið