Apple hættir fram­leiðslu Mac Pro-borðtölvunnar

Í frétt Macrumours segir að tölvan hafi síðast fengið uppfærslu árið 2023 þegar Apple bætti við M2 Ultra Apple-sílíkonörgjörva en að grind tölvunnar hafi ekki verið breytt frá því 2019. Tölvan hafi þó aldrei náð miklu flugi og það sé líklega vegna verðmiðans. Apple hafi í staðinn kynnt Mac Studio sem er minna tæki sem notar þó sama örgjörva. Frétt 9to5 og Macrumours.

Á vef Epli.is má sjá að tölvan er ekki á lager og fæst aðeins í sérpöntun og kostar tæpar 1,4 milljónir. Apple Studio er heldur ekki til hjá Epli.is en kostar samkvæmt vefverslun tæpar 400 þúsund krónur. Munurinn er því verulegur.

Í frétt Macrumours segir að Apple hafi verið í vandræðum með tölvuna allt frá árinu 2013 þegar hönnun hennar var breytt og að tölvan hafi ekki haldið í við tæknilega þróun. Apple hafi beðið notendur tölvunnar afsökunar en ekki kynnt nýja og betri týpu fyrr en 2019.