Extraleikarnir: Að­eins eitt stig á milli Nablans og Tomma í æsi­spennandi keilukeppni

Nablinn lenti hins vegar strax í vandræðum því þegar hann mætti í Keiluhöllina uppgötvaði hann að keiluhanskinn hefði gleymst heima. Svo átti hann líka í miklum vandræðum með að finna keilukúlu við hæfi, engin kúla virtist vera nógu góð fyrir Nabblann.

Tómas Steindórsson var hins vegar sigurviss og stefndi á að skrá nafn sitt á vegginn fræga í Keiluhöllinni með fullkomnum leik. Tomma mistókst það strax í fyrsta kasti.

Spennan magnaðist þegar líða fór á keppni og sérstaklega vegna þess að þáttastjórnandinn Stefán Árni Pálsson gaf þeim leyfi til að segja það sem þeim sýndist, líkamleg snerting var bara bönnuð til að koma í veg fyrir áflog.

Stóru spurningarnar standa þá eftir. Tókst Nabblanum að næla sér í sigur og knýja fram oddaleik? Eða tókst Tomma að kreista fram eins stigs sigur í síðasta kastinu? Svörin leynast í spilaranum hér fyrir neðan.