Fræg íþróttafréttakona brann inni með þremur börnum sínum

Minnesota Wild segir andlát fréttamannsins og barna hennar vera „hörmulegan missi“ fyrir alla. Hún hafði unnið við að segja fréttir af NHL-deildinni í áratug.

Pierce fjallaði um Minnesota Wild og staðfesti liðið andlát hinnar 37 ára gömlu konu í færslu á X.

„Allir hjá Minnesota Wild eru harmi slegnir vegna hörmulegs missis Jessi Pierce og barna hennar. Jessi var góð og samúðarfull manneskja sem þótti innilega vænt um fjölskyldu sína og þá sem voru í kringum hana,“ segir í yfirlýsingunni.

„Hún var dyggur sendiherra íshokkííþróttarinnar á meðan hún fjallaði um Wild og NHL.

„Jessi og barna hennar verður sárt saknað. Hugur okkar og innilegustu samúðarkveðjur eru hjá fjölskyldu þeirra, vinum og öllum sem þekktu og elskuðu þau.“

Þau fjögur fundust látin ásamt hundi sínum af slökkviliðsmönnum í White Bear Lake eftir að eldur braust út í heimili þeirra snemma á laugardagsmorgun, að því er FOX 9 greindi frá.

Nágrannar höfðu hringt í 911 eftir að hafa séð eld í þaki hússins og sögðu líklegt að fólk væri inni, sagði slökkviliðið í White Bear Lake í fréttatilkynningu.

„Þegar á vettvang kom mættu slökkviliðsmenn alelda hús og hófust þeir þegar í stað handa við slökkvistörf,“ sagði þar.

Eldsupptök eru til rannsóknar hjá brunavarnaeftirliti svæðisins, að sögn slökkviliðsins.