Engar breytingar gegn Eng­lendingum

Cecilía Rán Rúnarsdóttir stendur á milli stanganna með miðverðina Glódísi Perlu Viggósdóttur (fyrirliða) og Ingibjörgu Sigurðardóttur fyrir framan sig. Guðrún Arnardóttir og Sædís Rún Heiðarsdóttir eru í bakvarðarstöðunum.

Ída Marín Hermannsdóttir var nokkuð óvænt í byrjunarliðinu í síðasta leik, stóð sig vel og heldur sínu sæti á miðjunni í dag, með Hildi Antonsdóttur og hinni framsæknu Karólínu Leu Vilhjálmsdóttur.

Sveindís Jane Jónsdóttir og Hlín Eiríksdóttir verða úti á köntunum en Sandra María Jessen uppi á topp.

Eina breytingin frá því í leiknum gegn Spáni er í rauninni á varamannabekknum því Karitas Tómasdóttir er mætt út til Englands vegna veikinda Kötlu Tryggvadóttur.

Ísland mætir Englandi á City Ground í Nottingham.  Leikur liðanna hefst klukkan hálf eitt og verður í beinni textalýsingu á Vísi.  Úkraína og Spánn eru með liðunum í riðli og mætast klukkan fimm í dag.