„Maður lifir og deyr með því“

„Já, auðvitað gerir það það. Þetta var bara ógeðslega mikilvægur leikur fyrir það sem er framundan og það er bara vont að tapa,“ sagði Óskar í leikslok.

ÍR-ingar leiddu stóran hluta leiksins, en misstu ÍR-inga fram úr sér á lokasprettinum.

„Við auðvitað missum Ilija (Dokovic) snemma í leiknum og hann spilar bara lítið. Þetta er svona þegar nú þegar þröng rótering verður enn þrengri. Ég veit ekki hvort þetta hafi verið þreyta eða eitthvað svoleiðis, en þeir fengu bara betri skot en við, trekk í trekk síðustu mínúturnar. Mér fannst það kannski skera á milli í lokin.“

Í liði Skagamanna var Darryl Morsell aðal driffjöðurin og skoraði 35 stig fyrir liðið. ÍR-ingar áttu hins vegar ás upp í erminni í Jacob Falko, sem tók yfir undir lokin og var að öllum öðrum ólöstuðum besti maður vallarins, þrátt fyrir að hafa ekki skilað jafn mörgum stigum og Morsell.

„Ég hef ekkert upp á Darryl að klaga. Þetta var bara frábær frammistaða hjá honum. Auðvitað gerir hann þarna mistök í lokin þar sem hann missir boltann og klikkar á einhverjum skotum, en það þarf bara að treysta bestu leikmönnunum sínum til að hafa boltann í lokin og maður lifir og deyr með því.“

Eftir tapið eru Skagamenn enn á botni Bónus-deildarinnar og þurfa heldur betur að snúa gengi sínu við til að halda sæti sínu í deildinni.

„Við ætlum bara í þessa þrjá leiki til þess að vinna þá, eins og við höfum gert fyrir hvern einasta leik. Ég hef trú á þessu liði sem við erum búin að setja saman. Það er búið að vera mikið bras á okkur í vetur að finna þennan hóp, en þessi hópur hefur sýnt það í síðustu tveimur leikjum að þetta er lið sem getur keppti við hvaða lið sem er. Tindastóll, Stjarnan og Ármann eftir. Við bara mætum í þessa leiki og sjáum hvað við getum gert,“ sagði Óskar að lokum.