Kringlu­mýrar­braut lokað vegna á­reksturs

Þetta kemur fram á mbl.is en þar segir að þrír fólksbílar hafi rekist á, þetta er haft eftir sjónarvotti sem rætt var við. Atvikið átti sér stað í Kópavogi rétt fyrir neðan Hamraborgina.

Samkvæmt fréttinni eru lögreglubílar hjá Suðurveri að beina umferð frá brautinni en lögreglan mun hafa lokað fyrir umferð af Bústaðavegi og í suður. Áætlað er að nokkuð hált sé á brautinni.

Í samtali við fréttastofu Vísis gat slökkviliðið ekki veitt frekari upplýsingar og vísaði á lögreglu. Ekki hefur náðst í umferðardeild lögreglunnar að svo stöddu.

Fréttin verður uppfærð.