Handbolti

Árið enn full­komið hjá sveinum Guð­jóns Vals

Sindri Sverrisson skrifar
Elliði Snær Viðarsson stóð fyrir sínu fyrir Gummersbach í kvöld.
Elliði Snær Viðarsson stóð fyrir sínu fyrir Gummersbach í kvöld. Getty/Michael Hundt

Eftir háspennuleik náði Gummersbach, undir stjórn Guðjóns Vals Sigurðssonar, að vinna eins marks sigur gegn Lemgo í kvöld, 28-27, í þýsku 1. deildinni í handbolta.

Gummersbach heldur því flugi sínu áfram í deildinni og hefur unnið alla leiki sína á árinu 2026, og alls sex deildarleiki í röð.

Liðið er í 6. sæti deildarinnar eftir 23 leiki, með 33 stig, en núna aðeins stigi á eftir Lemgo og Kiel, eftir að hafa unnið þau bæði í síðustu leikjum, og með leik til góða.

Elliði Snær Viðarsson var á meðal markahæstu manna í kvöld með fimm mörk úr sex skotum og Teitur Örn Einarsson skoraði eitt úr þremur skotum. Hollendingurinn Kay Smits var hins vegar markahæstur með átta mörk.

Þýski handboltinn

Mest lesið


Fleiri fréttir

Sjá meira


×

Mest lesið