Sigurinn dæmdur af Hauki og fé­lögum því undir­skrift vantaði

Löwen hafði þurft að hafa mikið fyrir sigrinum en tókst, eftir að hafa verið undir lengst af, að skora sex af síðustu átta mörkum leiksins og vinna 32-30.

Nú missir liðið hins vegar stigin tvö og Lemgo fær þau, vegna þess að ekki var búið að skila inn fyrrnefndu skjali með undirritun Adams Jozsa sem var á leikskýrslu fyrir Löwen í leiknum.

Frá því um áramót er það skýr regla að skila verði inn samningi gegn ólöglegri lyfjanotkun, fyrir alla leikmenn sem spila í deildinni.

Sams konar atvik varð í þýsku 2. deildinni þar sem TV Hüttenberg var dæmt tap eftir að hafa unnið 37-34 sigur gegn Essen.

Löwen hefur engu að síður rétt til að áfrýja dómnum, innan þriggja daga, og hefur tilkynnt að félagið muni nýta sér þann rétt.

Þar til að endanleg niðurstaða fæst mun liðið því ekki missa stigin tvö.