Sport

Vonn hefur ekki staðið upp í meira en viku

Óskar Ófeigur Jónsson skrifar
Lindsey Vonn hefur legið í sjúkrarúmi  og ekki staðið upp í meira en viku. Hún er loksins komin heim til Bandaríkjanna.
Lindsey Vonn hefur legið í sjúkrarúmi  og ekki staðið upp í meira en viku. Hún er loksins komin heim til Bandaríkjanna. @lindseyvonn

Lindsey Vonn er loksins komin heim til Bandaríkjanna aftur. Þessi 41 árs gamla skíðakona segir að hún hafi ekki staðið í fæturna síðan hún datt illa á Ólympíuleikunum fyrir rúmri viku síðan.

Vonn hlaut flókin meiðsli á fæti í slæmri byltu í brunkeppni Ólympíuleikanna í Cortina d'Ampezzo sunnudaginn 8. febrúar. Það gerðist aðeins nokkrum vikum eftir að hún sleit krossband í byltu í Crans Montana.

Í færslu á samfélagsmiðlum greinir hún frá nýjustu fréttum af ástandi sínu og lætur vita að hún sé komin aftur til Bandaríkjanna.

„Ég hef ekki staðið í fæturna í rúma viku. Ég hef legið hreyfingarlaus í sjúkrarúmi síðan í keppninni. Þótt ég geti ekki staðið enn þá er dásamlegt að vera komin aftur á heimaslóðir,“ skrifar Vonn.

„Kærar þakkir til allra á Ítalíu fyrir að hugsa svona vel um mig,“ skrifaði Vonn.

Vonn hefur þegar gengið í gegnum fjórar aðgerðir en það var strax ljóst að það yrði mjög flókið að setja saman fótinn á ný eftir mjög slæmt fótbrot í brekkunni á Ólympíuleikunum.

Leikarnir á Ítalíu voru stóra markmiðið hennar, en draumurinn um fyrsta Ólympíugullið síðan í bruninu á ÓL í Vancouver árið 2010 brast snemma með hinni dramatísku byltu í Cortina.

Skíðaíþróttir Vetrarólympíuleikar 2026 í Mílanó og Cortina

Tengdar fréttir

Vonn á batavegi eftir þriðju aðgerðina

Lindsey Vonn sendi fylgjendum sínum kveðju á samfélagsmiðlum og segist vera á batavegi en hún hefur gengist undir þrjár aðgerðir eftir að hafa fótbrotnað á Vetrarólympíuleikunum.

Faðir Vonn tjáir sig og vill ekki sjá dóttur sína keppa aftur

Alan Kildow, faðir bandarísku skíðadrottningarinnar Lindsey Vonn segir að ef það væri undir sér komið myndi dóttir hans ekki keppa aftur á skíðum. Vonn meiddist illa í keppni á Vetrarólympíuleikunum á sunnudaginn síðastliðinn.

Vonn tjáir sig eftir at­vikið óhugnan­lega: „Sé ekki eftir neinu“

Bandaríska skíðadrottningin Lindsey Vonn hefur tjáð sig í fyrsta skipti eftir að hún slasaðist illa í keppni á Vetrarólympíuleikunum í gær. Vonn sér ekki eftir neinu þrátt fyrir óbærilegan sársauka og efasemdir um þátttöku hennar. Lífið sé of stutt til að taka ekki áhættu.

Lindsey Vonn fótbrotnaði við fallið

Bandaríska skíðakonan Lindsey Vonn hefur gengist undir aðgerð vegna fótbrots á vinstri fæti eftir að hafa fallið illa í brunkeppni kvenna á Vetrarólympíuleikunum í Cortina í dag.

Mest lesið


Fleiri fréttir

Sjá meira


×

Mest lesið