Hvorki Danir né Græn­lendingar með græn­lenska fánann á leik Banda­ríkjanna

Þeir eru hvorki Danir né Grænlendingar.

Vita Kalniņa og eiginmaður hennar, Alexander, sem eru stuðningsmenn lettneska íshokkíliðsins og búsett í Þýskalandi, héldu uppi stórum grænlenskum fána í upphitun og aftur þegar danska liðið skoraði fyrsta markið gegn Bandaríkjunum í Milano Santagiulia-íshokkíhöllinni.

„Við erum Evrópubúar og ég tel að sem Evrópubúar verðum við að standa saman,“ sagði Kalniņa við Guardian.

„Grænlendingar ákveða hvað verður um Grænland, en eins og staðan er núna er Grænland hluti af danska konungsríkinu og þar sem Grænland er hluti af Danmörku í þessu tilfelli styðjum við bæði löndin gegn Bandaríkjunum,“ sagði Kalniņa.

Aðrir bandarískir og danskir stuðningsmenn sem horfðu á lið sín eigast við í 6-3 sigri Bandaríkjamanna sögðust telja að íþróttir væru hafnar yfir stjórnmál þrátt fyrir nýlega spennu milli ríkisstjórna þeirra vegna Grænlands.

Rauði og hvíti grænlenski fáninn, þekktur sem Erfalasorput, er ekki dreginn að húni í opinberum tilgangi á Ólympíuleikunum. Alþjóðaólympíunefndin viðurkennir aðeins sjálfstæð, fullvalda ríki og Grænland er sjálfstjórnarsvæði innan konungsríkisins Danmerkur.