Fínasta fyrri ferð Jóns Eriks

Jón Erik fór brautina á einni mínútu og 21,61 sekúndu. Hann var tæpum átta sekúndum á eftir brasilíska Norðmanninum Lucas Pinheiro Braathen sem keppir undir fána Brasilíu sem var lang fyrstur í mark á 1:13,92.

Þrír Svisslendingar komu þar á eftir; Marco Odermatt var annar, Loic Meillard þriðji og Thomas Tumler fjórði.

Um var að ræða fyrri ferð dagsins en sú síðari er eftir hádegið og búist við að Jón Erik fari í brekkuna upp úr klukkan hálf eitt.

Jón Erik var á 38. besta tíma morgunsins af 81 keppanda og markmið hans eflaust að vera á meðal 30 efstu eftir síðari ferðina.