Emilía skoraði á mikil­vægri stundu

Leikurinn var í járnum, staðan var 1-1 eftir fyrsta korterið og alveg fram á 82. þegar Emelía skoraði mikilvægt mark, eftir stoðsendingu Marlene Muller.

Delice Boboy potaði svo inn öðru marki í uppbótartíma til að gulltryggja sigurinn.

Þetta var fimmtándi leikurinn sem Emilía kemur við sögu á tímabilinu, hún hefur byrjað ellefu leiki og nú skorað fimm mörk, auk þess að hafa gefið eina stoðsendingu.

Sigurinn var mikilvægur fyrir Leipzig því bæði lið eru í neðri hluta deildarinnar, rétt fyrir ofan fallsvæðið. Leipzig situr í 10. sæti af 14 liðum og náði þarna sjö stiga forystu á Hamburger SV, sem er aðeins einu stigi frá fallsæti.

Stórt tap hjá Hildi en hefði getað verið verra

Hildur Antonsdóttir var látin leysa miðvarðarstöðuna fyrir Madrid CFF í slæmu 1-6 tapi gegn Deportivo í 19. umferð spænsku úrvalsdeildarinnar.

Hildur var næstum því búinn að bæta við kvaðir Madrídarliðsins, en eftir skoðun myndbandsdómara var ákveðið að hún hefði ekki brotið af sér í eigin vítateig og vítaspyrnudómurinn var dreginn til baka.

Madrid CFF situr í 10. sæti deildarinnar en Deportivo í 12. sæti, þannig að stórsigur gestanna kemur mikið á óvart.