Fær að dansa á leikunum í búningi „minions“ úr Aulinn ég-myndunum

Höfundarréttur olli lengi miklum vandræðum en nú virðast öll slík vandræði úr sögunni og Spánverjinn er himinlifandi.

Spánverjinn er mjög hrifinn af teiknimyndakarakternum ógleymanlega úr Aulinn ég-myndunum og hefur margoft dansað við tónlist úr myndunum í „Minions“-búningi. Hann samanstendur af gulum stuttermabol og bláum smekkbuxum.

Til að byrja með fékk hann ekki leyfi til þess á Ólympíuleikunum í Mílanó og Cortina.

Eftir að hafa fyllt út umsóknina þar sem hann lýsti áformum sínum fyrir Ólympíuleikana bárust þau skilaboð að tónlistarvalið hefði ekki verið samþykkt.

„Því miður hef ég, aðeins dögum fyrir Ólympíuleikana, fengið þau skilaboð að ég fái ekki að nota þetta prógramm vegna vandamála tengdum höfundarrétti,“ skrifaði Sabate á Instagram á mánudag.

Á þriðjudag urðu svo umskipti þegar kvikmyndarisinn Universal Studios, að sögn Sabate, gaf grænt ljós á að nota tónlistina á vetrarleikunum.

„Þúsund þakkir til allra sem deildu skilaboðunum mínum og studdu mig. Vegna ykkar hefur Universal Studios ákveðið að snúa við blaðinu og gefa mér samþykki fyrir þetta eina sérstaka tækifæri,“ stóð í skilaboðunum sem síðan þá er ekki að finna á Instagram-reikningi hans.

„Ég er svo glaður að minion-arnir fái að komast inn á Ólympíusvellið,“ skrifaði hann enn fremur.

Litlu og afar tryggu skóveinafígúrurnar urðu þekktar í gegnum „Grú“ (Despicable Me, Aulinn ég) myndirnar og hafa síðan fengið sinn eigin heim.