Gísli valinn í úr­vals­lið EM

Gísli hefur spilað einkar vel á EM og er stoðsendingahæsti maður mótsins með 54 slíkar.

Eins og við var búist var Mathias Gidsel valinn besti leikmaður mótsins. Hann er markahæstur á EM ásamt Portúgalanum Francisco Costa sem var valinn besti ungi leikmaður EM. Félagi hans í portúgalska landsliðinu, Salvador Salvador, var valinn besti varnarmaðurinn.

Þjóðverjar eiga tvo fulltrúa í úrvalsliðinu, markvörðinn Andreas Wolff og línumanninn Johannes Golla. Norðmaðurinn August Pedersen er í vinstra horninu og Króatinn Mario Sostaric í því hægra. Costa er í stöðu hægri skyttu og hinn danski Simon Pytlick í stöðu vinstri skyttu.