Vand­ræða­legt víti: „Hvað var þetta?“

Sunderland þurfti að þola þungt 3-0 tap í Lundúnum í gærkvöld en leikurinn hefði hæglega getað farið öðruvísi. Sunderland fékk víti þegar um stundarfjórðungur var liðinn af síðari hálfleik í stöðunni 1-0.

Le Fée steig á punktinn og hafði tækifæri til að jafna leikinn af punktinum en spyrna hans vægast sagt agaleg. Hann tók spyrnuna að sið Tékkans Antonin Panenka og vippaði boltanum á beint markið.

Caoimhin Kelleher, markvörður Brentford, las hann, stóð kyrr og greip boltann. Eftir stóð Le Fée heldur skömmustulegur.

„Hvað var þetta?“ æpti enskur lýsandi leiksins, eðlilega.

Fimm mínútum síðar skoraði Igor Thiago annað mark Brentford og Úkraínumaðurinn Yehor Yarmoliuk innsiglaði svo 3-0 sigur liðsins.

Kelleher bætti þá einni vítaspyrnuvörslu við sína góðu tölfræði. Hann hefur varið fjórar af sex vítaspyrnum sem hann hefur fengið á sig í ensku úrvalsdeildinni.