Sex­tán ára með fernu fyrir meistara Víkings

Til stóð að fyrsti leikur mótsins yrði á milli Vals og KR en eins og fram kom á Vísi í gær þá drógu Valsmenn sig úr keppni.

Mörkunum rigndi hins vegar í Víkinni í hádeginu í dag og var staðan 3-3 í hálfleik, og hafði Þorri þá þegar skorað þrennu.

Hann bætti svo við sínu fjórða marki í seinni hálfleiknum auk þess sem hinn 17 ára Björgvin Brimi Andrésson, yngri bróðir Benonýs Breka, skoraði sitt fyrsta mark eftir komuna í Víkina. Fleiri ungir leikmenn fengu að spreyta sig fyrir Íslandsmeistarana í dag.

Gísli Eyjólfsson skoraði tvö marka ÍA í sínum fyrsta leik eftir komuna heim til Íslands frá Svíþjóð, og Skagamenn voru einnig með unga leikmenn í sviðsljósinu því hinn 16 ára Brynjar Óðinn Atlason skoraði eitt, samkvæmt frétt Fótbolta.net.