Sjáðu bestu mörkin: Klókur Kanu og eitraður Essien

Þau eru ófá fallegu mörkin sem Lundúnaliðin hafa skorað í viðeignum þeirra í ensku úrvalsdeildinni. Nwankwo Kanu skoraði ótrúlegt mark úr vonlausu færi fyrir Arsenal og fáir gleyma ótrúlegri pílu Michaels Essien á Stamford Bridge.

Didier Drogba var þá iðulega bestur fyrir Chelsea í stóru leikjunum og fengu Arsenal-menn líkt og aðrir að finna fyrir fílbeinska framherjanum.

Fimm bestu mörkin úr leikjum Arsenal og Chelsea má sjá í spilaranum.

Chelsea og Arsenal mætast á Stamford Bridge á sunnudaginn kemur klukkan 16:30. Leikurinn verður sýndur beint á Sýn Sport líkt og allir leikir helgarinnar á Englandi.