Vestramenn sækja son sinn suður

Vestri varð bikarmeistari í sumar en féll úr Bestu deildinni. Liðið spilar því í Lengjudeildinni næsta sumar en tekur einnig þátt í Evrópukeppni.

Þórður Gunnar hefur fallið úr Bestu deildinni undanfarin tvö tímabil, með Aftureldingu í sumar og með Fylkismönnum sumarið á undan. Nú tekur hann slaginn í Lengjudeildinni.

Þórður Gunnar er að vestan og lék síðast með Vestra sumarið 2019 þegar hann var aðeins átján ára gamall.

Þórður skoraði þrjú mörk með Aftureldingu í Bestu deildinni í sumar en hefur skorað átta mörk í 108 leikjum í efstu deild.

Vestrafólk hefur dreymt um að fá einn af sonum sínum aftur heim og verður nú að þeirri ósk sinni.