Haukur bjó til tíu mörk í hörkuleik á móti meisturunum

Füchse Berlin vann leikinn 33-30 eftir að staðan var 15-15 í hálfleik.

Haukur var bæði með mark og stoðsendingu þegar Löwn minnkaði ítrekað muninn í eitt mark á lokakaflanum en í stöðunni 28-29 þá lögðu Refirnir grunn að sigrinum með þremur mörkum í röð.

Haukur kom alls að tíu mörkum Rhein-Neckar Löwen í leiknum, skoraði fimm mörk og gaf fimm stoðsendingar. Hann skoraði fjögur af fimm mörkum sínum í seinni hálfleiknum og gaf þá þrjár af fimm stoðsendingum sínum.

Danski landsliðsmaðurinn Mathias Gidsel var frábær í liði Füchse með tólf mörk og sjö stoðsendingar.