Upp­runa­lega ein­takið af þýska skildinum í höndum þjófa

Berlínarbúar bjuggust við því að halda í skjöldinn í að minnsta kosti eitt ár og jafnvel lengur ef liðinu gengi vel á þessu tímabili en síðastliðinn þriðjudag var brotist inn í heimili félagsins og látið greipar sópa.

Stuldurinn er til rannsóknar hjá lögreglu og þjófnaðurinn er til á upptöku, en fáar vísbendingar eru annars til staðar um sökudólgana, samkvæmt umfjöllun Bild.

Oliver Lücke, fjölmiðlafulltrúi hjá þýska handknattleikssambandinu, staðfesti svo að um væri að ræða upprunalega eintakið af meistaraskildinum.

Skjöldurinn er gerður úr 2.9 kílógrömmum af sterling silfri og er 46 sentímetrar að þvermáli. Andvirði hans er metið á um 12 þúsund evrur.