Orri, Jóhann og Gylfi ekki með en Aron valinn

Sindri Sverrisson skrifar 1. október 2025 13:05

Orri Steinn Óskarsson missir aftur af komandi landsleikjum. Vísir/Hulda Margrét

Fyrirliðinn Orri Steinn Óskarsson missir aftur af landsleikjum vegna meiðsla, þegar Ísland mætir Úkraínu og Frakklandi 10. og 13. október á Laugardalsvelli, í undankeppni HM í fótbolta.

Ísland er í öðru sæti síns riðils með þrjú stig eftir tvo leiki. Frakkland er í efsta sæti með sex stig og Úkraína í því þriðja ásamt Aserbaísjan með eitt stig.

Arnar Gunnlaugsson landsliðsþjálfari er búinn að velja hópinn sinn og má sjá hann hér að neðan. Arnar svarar svo spurningum blaðamanna í beinni útsendingu á Vísi í dag.

Arnar valdi 24 leikmenn en 23 mega vera á leikskýrslu í hverjum leik. Gylfi Þór Sigurðsson er sem fyrr ekki valinn og Jóhann Berg Guðmundsson er ekki heldur í hópnum.

Fyrrverandi fyrirliðinn Aron Einar Gunnarsson, sem valinn var í leikina við Aserbaísjan og Frakkland í síðasta mánuði en dró sig svo úr hópnum vegna meiðsla, er í hópnum á nýjan leik.

Þá hefur Willum Þór Willumsson verið meiddur frá því í síðustu landsleikjum og er ekki í hópnum núna. Varnarmaðurinn Hjörtur Hermannsson, sem kallaður var inn vegna meiðsla Orra í síðustu leikjum, er ekki valinn. Andri Fannar Baldursson fær hins vegar sæti í hópnum.

Hópurinn gegn Úkraínu og Frakklandi:

Markmenn:

Elías Rafn Ólafsson - FC Midtjylland - 9 leikir

Hákon Rafn Valdimarsson - Brentford F.C. - 20 leikir

Anton Ari Einarsson - Breiðablik - 2 leikir

Varnarmenn:

Logi Tómasson - Samsunspor - 10 leikir, 1 mark

Mikael Egill Ellertsson - Genoa CFC - 23 leikir, 1 mark

Aron Einar Gunnarsson - Al-Gharafa SC - 107 leikir, 5 mörk

Daníel Leó Grétarsson - Sonderjyske Fodbold - 26 leikir

Sverrir Ingi Ingason - Panathinaikos F.C. - 61 leikur, 3 mörk

Guðlaugur Victor Pálsson - AC Horsens - 52 leikir, 4 mörk