Sjáðu allt það helsta úr enska boltanum í gær

Manchester City vann öruggan sigur á Burnley 5-1 þar sem sá fáheyrði atburður átti sér stað að sami leikmaðurinn skoraði tvö sjálfsmörk, en það hafði aðeins gerst fimm sinnum áður í sögu deildarinnar. Erling Haaland skoraði líka tvö mörk og er þá kominn með átta mörk í deildinni.

Fyrsti leikur dagsins var viðureign Brentford og Manchester United þar sem hrakfarir United héldu ótrauðar áfram. Brentford komst yfir í upphafi leiks eftir skelfileg varnarmistök Harry Maguire og þá brenndi fyrirliðinn Bruno Fernandes af víti í stöðunni 2-1. Lokatölur 3-1, verðskuldaður sigur Brentford meðan að ógæfu United verður allt að vopni.

Liverpool tapaði sínum fyrsta leik á tímabilinu þegar liðið sótti Crystal Palace heim, 2-1. Eddie Nketiah skoraði sigurmark Palace í uppbótartíma.

Chelsea tók á móti Brighton og annan leikinn í röð kláruðu Chelsa leikinn manni færri en Trevoh Chalobah fékk að líta rauða spjaldið á 53. mínútu í stöðunni 1-0. Brighton skoraði þrisvar eftir það, þarf af tvö mörk í uppbótartíma sem var ellefu mínútur.

Úlfarnir sóttu sín fyrstu stig á tímabilinu þegar liðið gerði 1-1 jafntefli á útivelli gegn Tottenham en heimamenn björguðu stiginu á elleftu stundu.