Látinn eftir höfuð­högg í leik

Vigar varð fyrir meiðslunum í leik með Chichester City í sjöundu efstu deild Englands á laugardaginn var. Leikurinn var flautaður af eftir höfuðhöggið.

Chichester skýrði frá því á mánudag að Vigar lægi á bráðadeild spítala í dái. Félagið greindi svo frá andláti hans á samfélagsmiðlum þess í kvöld.

Í yfirlýsingu félagsins segir að Vigar hafi undirgengist aðgerð vegna meiðslanna á þriðjudag. Sú aðgerð hafi gengið vel en skaðinn hafi einfaldlega verið of mikill eftir höggið og hafi hann látist í kvöld.