Farmur flugvélaeldsneytis hafi ekki upp­fyllt gæða­staðla

Heimildir Morgunblaðsins herma þetta en samkvæmt umfjöllun þess er um að ræða farm frá olíubirgjanum Vitol sem sér Icelandair og öðrum íslenskum fyrirtækjum fyrir eldsneyti.

Olís kaupir einnig eldsneyti af Vitol. Samkvæmt umfjöllun Morgunblaðsins hafa olíufélög ekki milligöngu um sölu eldsneytis til Icelandair. Ingunn Svala Leifsdóttir, forstjóri Olís, staðfesti að hún hafi frétt af málinu en sagðist ekki þekkja málavexti að öðru leyti.

Haft er eftir Ingunni að birgðastaðan hjá Olís sé góð hvað flugvélaeldsneyti varðar og að Olís muni „að sjálfsögðu leggjast á eitt með að aðstoða aðra aðila á Keflavíkurflugvelli ef þeir eru í vandræðum.“

Upplýsingar um málið hafi ekki fengist frá Isavia né Icelandair.

Uppfært eftir að svar barst frá Icelandair: 

Í svari frá Isavia segir farmur af flugvélaeldsneyti, sem hafi borist til landsins á dögunum, hafi ekki uppfyllt ströngustu kröfur sem séu gerðar til flugvélaeldsneytis. „Von er á nýjum farmi á næstu dögum þannig að eins og staðan er í dag þá gerir Keflavíkurflugvöllur ekki ráð fyrir að þetta muni hafa áhrif á afgreiðslu flugvélaeldsneytis á flugvellinum,“ segir í svarinu.