Ó­prúttnir aðilar hóta rofinni rafmagnstengingu berist greiðsla ekki strax

Lovísa Árnadóttir, upplýsingafulltrúi Samorku hagsmunasamtaka orkufyrirtækja, staðfestir að pósturinn sé alls ekki á vegum veitufyrirtækja eða raforkusala.

Samkvæmt póstinum er fólk beðið um að skrá sig inn á „örugga greiðslusíðu“ til að greiða reikninginn og forðast það að rafmagnstengingin rofni.

„Ef við fáum ekki greiðslu tafarlaust gæti rafmagnsþjonusta þín verið rofin. Endurtenging mun hafa í för með sér aukakostnað,“ er hótað í svikapóstinum.

Samorka biðlar til viðskiptavina að smella alls ekki á hlekkinn, gefa alls ekki upp kortanúmer eða skrá sig inn með nokkrum hætti og gefa alls ekki upp persónu- eða fjárhagsupplýsingar. Fólk er hvatt til að hafa samband við þjónustuver síns veitufyrirtækis ef vafi leikur á um áreiðanleika tölvupósta.